Gəncənin Mahrasa bağı adlanan tarixi məhəllələrdə yerləşən 14 və 15-ci binaların sakinləri iki həftədir ciddi su çatışmazlığı ilə üzləşirlər.
Gencexeber.az-a daxil olan şikayətə əsasən, binaları su ilə təmin edən borunun partlaması nəticəsində içməli suyun təzyiqi kəskin şəkildə azalıb. Hadisə təxminən iki həftə əvvəl baş verib. Bundan dərhal sonra sakinlər problemi aidiyyəti quruma bildiriblər.
Onların sözlərinə görə, müraciətlərin edilməsi və məsələ barədə məlumat verilməsinə baxmayaraq, nasazlığın aradan qaldırılması üçün hələlik heç bir təmir-bərpa işi aparılmayıb.
Vətəndaşlar suyun zəif gəlməsi ilə gündəlik məişət işlərininin çətinləşdiyini deyiblər: “İki həftədir ki, normal su görmürük. Qab-qacaq yumaq, paltar yumaq, hətta duş almaq belə problemə çevrilib. Biz su idarəsinə dəfələrlə müraciət etmişik, amma hələ də nəticə yoxdur”.
