Gəncədə növbəti iməcilik baş tutub.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyi tərəfindən verilən məlumata görə, şəhərin Hava limanı yolunun sağ və sol hissəsində təmizlik işləri görülüb.
Şəhər sakinlərinin və qonaqların hava limanına, eləcə də əks istiqamətə rahat və təhlükəsiz hərəkətinin təmin edilməsi məqsədilə adıçəkilən ərazi mövcud kol-kosdan, alaq otlarından, toz-torpaq və məişət tullantılarından təmizlənib. Yığılan tullantıların ərazidən daşınması təmin edilib. Yolun hər iki hissəsindəki yaşıllıq zolağına aqrotexniki qulluq göstərilib, suvarılması təmin edilib.
Təmizlik işlərinə birliyin Ərazi Xidmət Sahələrinin əməkdaşları və qurumun texnikaları cəlb olunub. Qeyd edək ki, Gəncə şəhər Mənzil Kommunal Təsərrüfatı İstehsalat Birliyi tərəfindən şəhərin müxtəlif ərazilərində bu kimi təmizlik aksiyaları mütəmadi olaraq həyata keçirilir.
