İyunun 15-i axşam saatlarından etibarən Gəncədə müşahidə olunan güclü külək bir sıra fəsadlar yaradıb.
Gencexeber.az-ın məlumatına görə, küləyin sürəti 20 m/s-dən çox olub. Nəticədə Gəncə Dəmir Yol Vağzalının yaxınlığında yerləşən Məmməd Məhərrəmov küçəsində köhnə və artıq istifadə olunmayan bir işıq dirəyi aşıb.
Aşan dirək dəmir hasarın üzərinə düşüb və hələ də ərazidən götürülməyib. Sakinlər bildirirlər ki, yaranmış vəziyyət təhlükə yaradır.
