Gəncədə sürücülərin narahat edən vacib məsələlərdən biri də budaqların əhatəsində qalan işıqforlardır.
Gencexeber.az-a daxil olan çoxsaylı şikayətlərdə bildirilib ki, budanmamış ağacların arxasında “gizlənən” işıqforlar yol hərəkəti təhlükəsizliyinə ciddi təhdid yaradır. İlk baxışdan kiçik görünən problem real həyat üçün təhlükəyə çevrilib.
"Maşın sürürsən və son anda qırmızı işıq yandığını görürsən. Bu normaldır? Qəza olarsa kim cavab verəcək?" – sürücü şikayət edib.
Sözügedən hal Mehdi Mehdizadə adına 4 nömrəli xarici dil təmayüllü məktəb-liseyin yerləşdiyi Pərviz Səmədov küçəsində də müşahidə olunur. Burada da işıqforun sürücülər tərəfindən vaxtında görünməsi mümkün deyil.
