Gəncə şəhərinin Heydər Əliyev prospektinin 2-ci dönəcəyi ünvanında yerləşən elektrik dirəyi qəza vəziyyətindədir.
Gencexeber.az-ın məlumatına görə, sözügedən dirək xeyli müddətdir əyilmiş vəziyyətdədir və üzərindəki elektrik xətləri ilə birlikdə külək əsəndə təhlükəli şəkildə silkələnir. Sakinlərin sözlərinə görə, məsələ ilə bağlı artıq mart ayından etibarən aidiyyəti qurumlara dəfələrlə məlumat verilsə də, hələ də heç bir tədbir görülməyib.
Sakinlər ərazidən keçərkən təhlükə ilə üz-üzə qaldıqlarını bildirir və məsul qurumlardan problemin tez bir zamanda aradan qaldırılmasını tələb edirlər. Elektrik dirəyinin hər an aşmaq və ciddi fəsadlara səbəb olmaq ehtimalı var.
