Bir zamanlar şəhər sakinlərinin sevimli istirahət guşəsi olan Dəmiryolçular parkı bu gün baxımsızlıq ucbatından acınacaqlı hala düşüb.
Gencexeber.az-ın məlumatına görə, parkın ərazisi məişət tullantıları ilə dolub, uzun müddətdir burada heç bir abadlıq işləri aparılmır. Ərazidə sınıq-salxaq oturacaqlar, işləməyən işıqlandırma sistemi və ümumilikdə baxımsızlıq gözə çarpır.
Sakinlərin sözlərinə görə, bu vəziyyət yalnız bu günün və ya dünənin problemi deyil. İllərdir parkda yenilənmə işləri aparılmır, hər il vəziyyət daha da ağırlaşır. Artıq quruyan ağaclar aşıb, yaşıllıqlar isə məhv olmaq üzrədir.
