Xəbər verdiyimiz kimi, Gəncədə Azərbaycan folklorunun əfsanəvi siması olan Dədə Qorquda həsr edilmiş abidə guşəsi uzun müddətdir baxımsız vəziyyətdə olub.
Gencexeber.az-a daxil olan şikayətlərə əsasən, Nəriman Nərimanov prospektində, yolayrıcında yerləşən abidə guşəsində bir sıra problemlər müşahidə olunub. Ərazidə illərdir ki, işıqlandırma sistemi fəaliyyət göstərməyib. Axşam saatlarında bu hissə tamamilə qaranlığa qərq olub.
Sevindirici hal odur ki, sözügedən ərazinin işıqlandırılması tam olaraq bərpa olunub. Gəncə Şəhər İcra Hakimiyyəti ilə birgə Gəncə şəhərində küçə işıqlandırılması layihələrini həyata keçirən Bakı Abadlıq Xidmətinin əməkdaşları redaksiyamıza daxil olan və ictimaiyyətin diqqətinə çatdırılan vətəndaş şikayətlərinə laqeyd yanaşmayaraq problemi aradan qaldırıblar.
