Gəncədə “Bolt” taksisinin sürücüsünün təhlükəli hərəkəti qəza ilə nəticələnib.
Gencexeber.az-a təqdim edilən videogörüntülərdə "Toyota Aqua" markalı avtomobilin sürücüsünün nəqliyyatın sıx olduğu ərazidə təhlükəli manevrlər etdiyi əks olunub. Kadrlardan görünür ki, sürücü digər hərəkət iştirakçılarının yolunu kəsərək qəfil sürətlənir və sonra əl əyləcindən istifadə edir.
Redaksiyamıza daxil olan məlumata görə, hadisədən qısa müddət sonra üzərində "Bolt" taksi şirkətinin emblemi olan həmin avtomobil “Al Market” supermarketlər şəbəkəsinin bir filialının qarşısında qəza törədib.
Hazırda hadisənin təfərrüatları araşdırılır.
