Gəncə şəhərində nəqliyyat, infomasiya və rabitə haqqında statistik məlumatlar bəlli olub.
Gencexeber.az-a Gəncə Şəhər Statistika İdarəsindən verilən məlumata görə, Gəncə şəhərində 2025-ci ilin yanvar-iyun aylarında nəqliyyat sektorunda fəaliyyət göstərən müəssisələr və fiziki şəxslər tərəfindən 2,6 milyon ton yük, eləcə də 52,1 milyon sərnişin daşınıb.
Bu göstəricilər 2024-cü ilin eyni dövrü ilə müqayisədə müvafiq olaraq 7,6 faiz və 6,4 faiz artım deməkdir.
Hesabat dövründə informasiya və rabitə sahəsində də müsbət dinamika müşahidə olunub. Belə ki, göstərilən xidmətlərin həcmi ötən ilin yanvar-iyun aylarına nisbətdə 9,5 faiz artaraq 4,3 milyon manat təşkil edib.
