Gəncənin Heydər Əliyev prospekti 54B ünvanında yerləşən çoxmənzilli binanın sakinləri su təchizatı ilə bağlı ciddi problemlə üzləşiblər.
Gencexeber.az-a sakinlər tərəfindən ünvanlanan şikayətdə bildirilir ki, binanın zirzəmisində su borusu partlayıb. Bu vəziyyət artıq mənzillərdə rütubət, kif və yaşayış üçün yararsız şərait yaradıb.
Sakinlər bildirirlər ki, problemi dəfələrlə aidiyyəti qurumlara bildirsələr də, nəticə olmayıb:
"Evə rütubət dolub, nəfəs almaq olmur. Özümüz bir neçə dəfə suyun qarşısını almağa çalışmışıq, amma heç bir nəticə verməyib".
Məlumata əsasən, təxminən bir həftə öncə həmin binada digər borular dəyişdirilib. İddialara görə, bu iş üçün sakinlərdən pul yığılıb.
Sakinlər aidiyyəti qurumdan su sızmasının aradan qaldırılmasını tələb edirlər.
