Xəbər verdiyimiz kimi, Adilxan Ziyadxanov küçəsində yerləşən 36-cı binanın blok girişlərindəki yağışdan və qardan qorunmaq üçün nəzərdə tutulmuş qoruyucu beton konstruksiya qəzalı vəziyyətdədir.
Gencexeber.az-a Mənzil Kommunal Təsərrüfatı İstehsalat Birliyinin (MKTİB) mətbuat xidmətindən verilən məlumata əsasə, qurumun sözügedən məsələdən məlumatı var. Əlavə edilib ki, adıçəkilən ünvandakı bina 1961-ci ildən tikilərək istismara verilib və tikili 2019-cu ilə kimi “Azərbaycan Dəmir Yolları" QSC-nin balansında olub. Son 6 ildə isə həmin bina Gəncə şəhər Mənzil Kommunal Təsərrüfatı İstehsalat Birliyinin balansına verilib.
MKTİB qeyd edib ki, həmin bina sakinlərinin illərdir ki, göstərilən kommunal xidmətlər üzrə quruma 3580 azn borcu formalaşıb.
“Yaxşı olar ki, şikayətçi sakinlər, təmir öncəsi həmidə yığılıb qalan borclarını ödəsinlər. Həmin ünvanda yaxın vaxtlarda qoruyucu beton konstruksiyanın təmir olunması nəzərdə tutulur” – MKTİB-dən bildirilib.
