Yeni Gəncə qəsəbəsində kanalizasiya problemi sakinlərin narazılığına səbəb olub.
Gencexeber.az məlumat verir ki, Gəncə şəhərinin Yeni Gəncə qəsəbəsi, bina 24a ünvanında yaşayan sakinlər kanalizasiya sızmasından ciddi narahatlıq bildirirlər. Onların sözlərinə görə, kanalizasiya suları birbaşa binanın zirzəmisinə axır və ətrafa kəskin üfunət yayılır.
Sakinlər deyirlər ki, qoxu o qədər güclüdür ki, normal nəfəs almaq belə çətinləşir. Məsələ bununla bitmir – kanalizasiya sularının yaratdığı nəmişlik və çirk səbəbindən binada müxtəlif həşəratlar peyda olub. “Bir müddət əvvəl qırmızı qarışqalar bütün binanı basmışdı, indi isə vəziyyət daha da pisləşib” – deyə sakinlər bildirirlər.
Onlar aidiyyəti qurumlardan problemin həlli üçün təcili tədbirlər görülməsini xahiş edirlər.
