Yeni Gəncə qəsəbəsində sakinlər su təchizatı ilə bağlı ciddi problem yaşayırlar.
Gencexeber.az-ın məlumatına görə, Yeni Gəncə qəsəbəsi, bina 37-nin sakinləri aylarla davam edən su probleminə görə ciddi narahatlıq keçirirlər. Sakinlərin sözlərinə görə, mənzillərə su ya çox zəif gəlir, ya da ümumiyyətlə qalxmır.
Məsələ xüsusilə yay aylarında daha da kəskinləşib. İsti havalarda sakinlər ehtiyaclarını ödəmək üçün vedrələrlə su daşımağa məcbur olurlar. Bu isə həm yaşlı sakinlər, həm də uşaqlı ailələr üçün əlavə çətinlik yaradır.
Sakinlər "Azərsu" ASC-dən problemin qısa zamanda həllini tələb edirlər. Onların sözlərinə görə, bu vəziyyət uzun müddət davam edərsə, həm sanitariya şəraiti, həm də insanların sağlamlığı təhlükə altına düşəcək.
