“BakuBus”ın Gəncədə fəaliyyətə başlaması ilə əlaqədar olaraq, yaxın zamanda Gəncə şəhərində avtobuslarda gedişhaqqını “CityCard” nağdsız ödəniş sistemi vasitəsilə ödəmək mümkün olacaq.
Bu barədə Gencexeber.az-a adıçəkilən sərnişindaşıma şirkətinin mətbuat xidmətindən məlumat verilib.
“CityCard”lar “Azərpoçt” filiallarında satışa buraxılıb. Kartların balansını “eManat” ödəniş terminallarından, yaxud “CityCard” mobil tətbiqi vasitəsilə artırmaq mümkündür.
Bildirilib ki, yeni sistem şəhərdə fəaliyyət göstərən bütün avtobuslarda tətbiq ediləcək.
