Xəbər verdiyimiz kimi, Gəncə şəhərində ictimai nəqliyyatda nağdsız ödəniş sisteminə keçid gözlənilir. “BakuBus” şirkəti şəhərdə fəaliyyətə başlaması məqsədi ilə “CityCard”ların “Azərpoçt” filiallarında satışa çıxarılacağı barədə məlumat da yayılıb.
Lakin Gencexeber.az-a daxil olan məlumata görə, şəhər sakinləri poçt filiallarına müraciət etsələr də, kartları əldə edə bilməyiblər. Sakinlər bildirirlər ki, “Azərpoçt” şöbələrində kart barədə heç bir məlumat verilməyib.
“Poçta yaxınlaşdıq, dedilər ki, hələ kart haqda məlumat yoxdur”, – Gəncə sakini redaksiyamıza bildirib.
