Gəncədə qapağı olmayan lük ciddi təhlükə mənbəyinə çevrilib.
Gencexeber.az məlumat verir ki, sözügedən hal şəhərin Nizami Gəncəvi prospekti ilə Hacı Əli Hüseynzadə küçəsinin kəsişməsində müşahidə edilir. Orada kanalizasiya lükünün qapağının yoxdur. Xüsusilə də, dönmə manevrini yerinə yetirən sürücülər üçün avtomobilin təkərinin lükə düşmə riski yüksəkdir. Bu isə həm nəqliyyat vasitələrinə texniki zərər yetirə, həm də yol-nəqliyyat hadisələrinə səbəb ola bilər.
Məsələ ilə bağlı təşəbbüs göstərən sakinlər təhlükəni az da olsa azaltmaq üçün lükün içərisinə avtomobil təkərinin şinini yerləşdiriblər. Onların sözlərinə görə, bu tədbir problemin həlli olmasa da, sürücülərin diqqətini çəkərək qəza ehtimalını qismən azaldır.
Ərazi sakinləri bildirirlər ki, məsələ barədə aidiyyəti qurumlara dəfələrlə məlumat verilsə də, hələ də heç bir tədbir görülməyib.
