Gəncə Maarif Evi İctimai Birliyinin 6-cı ildönümü münasibətilə Gəncədə festival təşkil edilib.
Gencexeber.az məlumat verir ki, Cavad xan küçəsində baş tutan tədbirdə 60-dan çox sənətkarın əl işlərindən ibarət sərgi-yarmarka keçirilib. Bundan başqa, səhnədə birliyin könüllüləri tərəfindən musiqi şousu təqdim edilib.
Tanınmış KVN (Şən və hazırcavablar klubu) ustası Bəhram Bağırzadənin iştirakı tədbirə xüsusi ab-hava qatıb. Festival şəhər sakinlərinin böyük marağına səbəb olub və bayram əhval-ruhiyyəsi yaradıb.
