Gəncədə gecə saatlarında işıqlandırma problemi müşahidə olunur.
Gencexeber.az məlumat verir ki, Gəncəçayın Tağı Arani küçəsindən keçən hissəsində işıqlandırma ilə bağlı ciddi problem yaranıb. Gecə saatlarında bu ərazi tamamilə qaranlığa qərq olur.
Sakinlərin sözlərinə görə, küçədəki zülmət həm piyadaların, həm də nəqliyyat vasitələrinin hərəkətini təhlükəyə atır. Ərazidəki qaranlıq səbəbilə sürücülərin yolu və piyadaları görməkdə çətinlik çəkməsi, xüsusilə də axşam saatlarında qəza riskini artırır.
Sakinlər məsələ ilə bağlı aidiyyəti qurumların tədbir görməsini və işıqlandırma sisteminin bərpasını tələb edirlər.
