Nizami məqbərəsinin yaxınlığında tullantılar yandırılıb – əraziyə qatı tüstü yayılıb.
Gencexeber.az-a daxil olan şikayətə əsasən, Gəncə şəhərində yerləşən Nizami Gəncəvi məqbərəsinin yaxınlığında xoşagəlməz hadisə baş verib. Axşam saatlarında gəzintiyə çıxan şəhər sakinləri ərazidə yayılan qatı tüstü və pis qoxudan narahatlıq keçiriblər.
Məlumata görə, Nizami Gəncəvi Muzey Kompleksinin yerləşdiyi ərazinin yaxınlığında tullantılar yandırılıb. Nəticədə havaya kimyəvi qoxulu, sıx tüstü yayılıb.
Sakinlər məsələ ilə bağlı aidiyyəti qurumların bu cür halların qarşısını almaq üçün tədbir görməsini tələb edirlər.
