Gəncə Dövlət Universitetinin “Smartx” komandası “GreenTech” Startap və Yaşıl Texnologiyalar müsabiqəsində mübarizə aparıb. Bu haqda 8 may tarixində GDU- ya istinadən xəbər veririk.
Universitet adıçəkilən müsabiqədə “Robototexnika” kateqoriyası üzrə II yeri qazanıb. Həmçinin universitetin Kimya-biologiya fakültəsinin tələbəsi Leyla Novruzova “Mexatronika” kateqoriyası üzrə II yerə layiq görülüb. Azərbaycan Texnologiya Universitetinin təşkilatçılığı ilə keçirilən müsabiqənin məqsədi universitetlərdə yaşıl texnologiyaların inkubasiya mühitinin inkişafına dəstək, tələbələrin innovativ bacarıqlarının formalaşdırılması və universitetlərarası əməkdaşlığın genişləndirilməsidir.
Universitetin rektoru Yusif Yusibov layihədə uğurla çıxış edən tələbələrlə görüş keçirib. Müsabiqədə təqdim olunan startap layihələrini müsbət qiymətləndirən rektor startapların inkişafı ilə bağlı tələbələrə dəstək olacağını bildirib.
