Gəncə Dövlət Universitetinin rektoru Yusif Yusibov 2023/2024-cü tədris ilinin yaz semestrinin imtahan sessiyasına hazırlıqla bağlı tələbələrlə görüş keçirib. Bu haqda 17 may tarixində GDU-ya istinadən xəbər veririk.
Görüşün əsas məqsədi tələbələrin imtahanlara hazırlıq səviyyəsini öyrənmək, imtahanlarla bağlı çətinlik və problemlərini dinləmək, imtahanlara hazırlıq prosesində qarşıya çıxa biləcək çətinliklərin operativ həllinə nail olmaqdır. Burada rektor bildirib ki, universitet rəhbərliyi hər zaman tələbələrin yanındadır və imtahanların yüksək səviyyədə keçirilməsi üçün lazımi şərait yaradılıb.
Tədbirdə diqqətə çatdırılıb ki, imtahanlar yazılı, test üsulu ilə, pilot layihə olaraq, Biologiya müəllimliyi ixtisasında şifahi, yaradıcılıq tələb edən ixtisaslarda isə qabiliyyət formasında keçiriləcək. Sessiya zamanı üzrlü səbəbdən imtahanda iştirak etməyən və akademik borcu yaranmış tələbələrə təkrar imtahan vermək üçün şəraitin yaradılması nəzərdə tutulur. Daha sonra rektor tələbələrin imtahanlarla bağlı təkliflərini dinləyib və tələbələrin müraciəti əsasında bir sıra güzəştlərin tətbiq olunacağını deyib.
