Gəncə Dövlət Universitetində (GDU) “Qlobal iqlim dəyişmələrinin canlı aləmə təsiri və onların aradan qaldırılması yolları” mövzusunda elmi konfrans keçirilib. Konfrans COP29 və “Yaşıl dünya naminə həmrəylik ili”nə həsr olunub.
Gencexeber.az-a bu barədə GDU-dan məlumat verilib.
Elmi konfrans Gəncə Dövlət Universitetinin V tədris korpusunda təşkil edilib. Konfrans iştirakçıları ekologiyanın müxtəlif sahələrinə aid kitab və rəsm əsərlərindən ibarət sərgiyə baxış keçiriblər.
Konfransda Gəncə Dövlət Universitetinin Elm və innovasiyalar üzrə prorektoru, millət vəkili Pərvin Kərimzadə, Ekologiya və təbiəti mühafizə kafedrasının müdiri, professor Sevda Əhmədova, universitetinin Botanika kafedrasının müdiri, AMEA-nın müxbir üzvü Vaqif Novruzov, Bitki Mühafizə və Texniki Bitkilər Elmi-Tədqiqat İnstitutunun direktoru İbrahim Cəfərov, GDU-nun Azad Həmkarlar İttifaqı Komitəsinin sədri Afaq Qasımova, Kimya-biologiya fakültəsinin dekanı İsfəndiyar Alverdiyev iştirak edib.
Elmi konfrans plenar məruzələrlə davam edib. Ümumdünya Təbiəti mühafizə Fondunun Azərbaycan nümayəndəliyinin direktoru Elşad Əsgərov, Azərbaycan Texnologiya Universitetinin Qida mühəndisliyi və ekspertiza kafedrasının müdiri, professor Əhəd Nəbiyev, Ətraf mühitin mühafizəsi kafedrasının müdiri, professor Elşad Məmmədov, AR Elm və Təhsil Nazirliyinin Torpaqşünaslıq və Aqrokimya İnstitutunun dosenti Azad Kərimov, AMEA-nın Gəncə bölməsinin əməkdaşı Elnur Həsənov və Azərbaycan Dövlət Aqrar Universitetinin əməkdaşı Mədinə Abışova çıxış edib. GDU-nun Ekologiya ixtisasının tələbələrinin məruzələri dinlənilib.
Elmi konfrans başa çatdıqdan sonra ağacəkmə aksiyası keçirilib.
