Bakı-Qazax magistral avtomobil yolunun Zazalı kəndi yaxınlığından keçən hissədə işıqlandırma sistemi işləmir.
Gencexeber.az məlumat verir ki, yolda heç bir işıq dirəyində mövcud plafonların yanmaması sürücülər üçün ciddi problemə çevrilib. Gecə saatlarında görünüş məsafəsi xeyli azalır.
Yanvarın 2-si həmin ərazidə gecə saatlarında baş verən ölümlə nəticələnən qəza bu vəziyyətin nə dərəcədə ciddi olduğunu bir daha göstərdi.
Sürücülər yolun bu hissəsində işıqlandırmanın bərpa edilməsi və təhlükəsizliyin artırılmasını tələb edirlər.
