Gəncə sakinləri qəzaların çox olduğu kəsişmədən şikayət ediblər.
Gencexeber.az məlumat verir ki, Ozan və Xudatbəy Rəfibəyli küçələrinin kəsişməsində yerli sakinlərin narahatlığına səbəb olan çoxsaylı yol qəzaları baş verir. Son altı ayda burada bir neçə nəfərin xəsarət alması ilə nəticələnən 20 iri və xırda qəzalar qeydə alınıb.
Vətəndaşların sözlərinə görə, yol-nəqliyyat hadisələrinin tez-tez baş verməsi lazımi yol tənzimləmə nişanlarının olmamasıdır. Bu səbəbdən ərazidə avtomobillərin toqquşma riski xeyli yüksəkdir.
Sakinlər təhlükəsizliklərindən narahat olduqlarını bildirərək aidiyyəti orqanları müvafiq tədbirlər həyata keçirməyə çağırırlar.
