Gəncədə mövsümi güllər əkilir.
Gencexeber.az-a şəhərin Mənzil Kommunal Təsərrüfatı İstehsalat Birliyi (MKTİB) tərəfindən verilən məlumata görə, yaz fəslinin gəlişi ilə əlaqədar olaraq, şəhərin müxtəlif park və xiyabanlarında, istirahət məkanlarında, küçə və prospektlərdə mövsümü dekorativ gül-çiçəklərin əkin işləri davam etdirilir.
MKTİB-nin Yaşıllaşdırma şöbəsində yerli mütəxəssislər tərəfindən müasir istixanalarda yetişdirilən gül-çiçəklər Gəncə Dövlət Filarmoniyasının qarşısında, Cavadxan küçəsindəki güldanlarda əkilib.
Bitkilərin daha uzunömürlü olması üçün əkindən öncə ərazilər torpaq, torf və müxtəlif gübrələrlə zənginləşdirilib.
Gəncə sakinlərinin və şəhərin qonaqlarının gözünü oxşayan gül-çiçəklərin əkin prosesi mərhələli şəkildə həyata keçirilir və işlər mart, aprel və may ayları ərzində davam etdiriləcək. Mövsümü gül əkinin kampaniyasına MKTİB-nin Yaşıllaşdırma şöbəsinin əməkdaşları və qurumun texnikaları cəlb olunub.
