Azərbaycan Yerüstü Nəqliyyat Agentliyi (AYNA) sərnişindaşıma xidmətinin keyfiyyətinin artırılması ilə bağlı tədbirlər çərçivəsində Gəncə-Xankəndi-Şuşa şəhərlərarası avtobus marşrutunu müsabiqəyə çıxarır.
Gencexeber.az AYNA-ya istinadən məlumat verir ki, sənədlər 15 dekabr 2024-cü il saat 17:00-dək Azərbaycan Yerüstü Nəqliyyat Agentliyində (ünvan: Bakı şəhəri, Tarzən Hacı Məmmədov küçəsi 5; əlaqələndirici şəxs: Elsevər Qədimov – tel.: 050-855-53-55, e-poçt: elsevar.gadimov@ayna.gov.az) qəbul ediləcək.
Bildirilib ki, müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır. İddiaçıların təkliflərinə dekabrın 27-də komissiya tərəfindən baxılacaq.
Lotlar üzrə marşrutların qrafikləri haqqında məlumatı aşağıdakı linkə keçid edərək əldə edə bilərsiniz:
