Gəncədə şəhərin mərkəzi küçələrindən olan Məmməd Burcəliyev küçəsində yerləşən park baxımsız vəziyyətdədir.
Gencexeber.az-a bu barədə bir qrup Gəncə sakini tərəfindən şikayət ünvanlanıb.
Şikayətçilər bildirib ki, park ərazisinə və yaxınlıqdakı Gəncə çayına məişət tullantıları yığılıb:
“Görüntü ilə bərabər pis qoxu da istirahətə mane olur. İstirahət mərkəzi zibilxanaya çevirilib. Həmçinin parkdakı ağacların qurumağa başlaması da başqa bir problemdir. Mərkəzi küçədə yerləşən bir parkın bu vəziyyətdə olması biabırçılıqdır. Şəhər rəhbərliyindən xahiş edirik ki, parkın təmizlənməsi və baxımının təmin edilməsi həyata keçirilsin”.
