Gəncədə yol-nəqliyyat hadisəsi baş verib.
Gencexeber.az məlumat verir ki, hadisə şəhər ərazisində qeydə alınıb. Gəncə sakini 1969-cu il təvəllüdlü R. Quliyeva yolu qarşı tərəfə keçmək istəyən zaman "Hyundai" markalı minik avtomobili onu vurub. 55 yaşlı qadın xəstəxanaya yerləşdirilib.
Ağır kəllə beyin travması alan qadının həyatını xilas etmək mümkün olmayıb.
Qeyd edək ki, piyada Gəncə şəhər Birləşmiş xəstəxanasının tabeliyində fəaliyyət göstərən 2 saylı uşaq xəstəxanasının tibb bacısıdır. Hadisə tibb bacısının işə getdiyi vaxt baş verib.
Faktla bağlı araşdırma aparılır.
