Gəncənin keçmiş Muxtar Hacıyev adlanan, hazırda Aida İmamquliyeva küçəsində artıq uzun illərdi ki, yol problemi öz həllini tapmır.
Gencexeber.az məlumat verir ki, küçədə dərin saysız-hesabsız çuxurlar əmələ gəlib. Su və kanalizasiya sistemlərinin çəkildiyi ərazidə qazıntı işləri aparılıb, lakin sonradan təmir-bərpa işləri görülməyib. Artıq uzun illərdi ki, sakinlərin, eləcə də nəqliyyat vasitələrin hərəkəti burada məhdudlaşıb.
Sakinlər bildirir ki, küçə o qədər keçilməz vəziyyətə gəlib ki, artıq taksi sürücüləri çağırış ünvanına gəlməkdən imtina edir. Uşaqlar yağışlı havada məktəbə ayaqqabıları və paltarları palçığa batmış şəkildə çatırlar.
