Xəbər verdiyimiz kimi, Gəncə şəhəri ərazisində aparılan yolların təmir işləri zamanı buraxılan nöqsanlardan avtomobil sürücüləri narazılıqlarını ifadə ediblər.
Gencexeber.az məlumat verir ki, Şah İsmayıl Xətai prospektində, eləcə də şəhərin bir çox ərazilərində həyata keçirilən asfaltın yenilənməsi prosesində aidiyyəti qurumun əməkdaşları xüsusi texnika vasitəsilə avtomobil yolunun köhnə asfalt örtüyünü sökürlər. Lakin bundan sonra yol səthində iri çıxıntılar əmələ gəlir.
Sözügedən məsələ redaksiyamız tərəfindən işıqlandırıldıqdan sonra müvafiq qurum hərəkətə keçərək sürücülərin qəzəbinə tuş gələn problemin aradan qaldırılması istiqamətində işlər görüb.
Belə ki, şəhərin mərkəzi küçələrində iti çıxıntılar asfaltla qapadılaraq hamarlanıb.
