Qəhrəman Yüksəl Əlizadə adına Təhsil Mərkəzi 10 dekabr tarixində "Teach and Learn 2" (öyrət və öyrən) layihəsinə start verəcək.
Gencexeber.az məlumat verir ki, 5-8-ci siniflərin iştirak etdiyi layihədə Azərbaycan dili, riyaziyyat və xarici dil (ingilis və rus) pulsuz tədris ediləcək. Layihə 6 ay davam edəcək və sonda tədrisi uğurla bitirən hər məktəbliyə diplom təqdim ediləcək.
Layihədə iştirak etmək istəyənlər şəxsiyyət vəsiqəsi ilə sözügedən təhsil ocağında qeydiyyatdan keçməlidirlər.
Qəhrəman Yüksəl Əlizadə adına Təhsil Mərkəzi H.Əliyev prospekti 236E (Azərittifaq, Kristal şadlıq sarayının yaxınlığı) ünvanında yerləşir. Əlaqə nömrəsi: (010) 230 23 25.
