Gəncənin küçə və prospektlərində, eləcə də Gəncəçayda təmizlik işləri görülüb.
Gencexeber.az Gəncə şəhər Mənzil Kommunal Təsərrüfatı İstehsalat Birliyinə (MKTİB) istinadən məlumat verir ki, qurumun əməkdaşları zibil konteynerlərinin kifayət qədər mövcud olduğu Əli Nəzmi küçəsində sakinlər tərəfindən çirkləndirilən ərazini məişət tullantılarından təmizləyiblər.
Bundan başqa MKTİB-nin canlı qüvvəsi tərəfindən Gəncəçayın məcrası boyu və əsasən körpülərin ətrafında şəhər sakinləri tətəfindən atılan, həmçinin sel sularının gətirdiyi məişət tullantıları, ağac qırıntıları, kol-kos və alaq otları yığılaraq daşınması təmin edilib. Mövcud zibil qutularının ətrafında səliqə-səhman yaradılıb.
