Gəncədə yol-nəqliyyat hadisəsi baş verib.
Gencexeber.az-ın məlumatına əsasən, hadisə şəhərin Əziz Əliyev prospektində qeydə alınıb. Azər Şirinovun idarə etdiyi "Hyundai" markalı avtomobil Həsrət Mehdiyevin idarə etdiyi "VAZ-2107" markalı maşınla toqquşub.
İlkin məlumata görə, bir nəfər xəsarət alıb. Belə ki, "VAZ-2107"də olan 26 yaşlı Sadiq Ələkbərov müxtəlif dərəcəli bədən xəsarətləri alıb.
Zərərçəkən xəstəxanaya yerləşdirilib. Vəziyyəti orta ağırdır.
Hadisə yerinə polis əməkdaşları cəlb olunub. Faktla bağlı araşdırma aparılır.
