Gəncənin müxtəlif ərazilərindəki yollara yeni asfalt örtüyü çəkilir.
Gencexeber.az məlumat verir ki, şəhərdə həyata keçirilən "Açıq Kommunal İnfrastruktur Proqramı II" layihəsinin yekunlaşdığı ərazilərdə Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyinin sifarişi ilə yolların əsaslı təmiri işləri aparılır.
Belə ki, ümumi sahəsi 232 min kv.m. olan 52 küçə-prospektdə və 7 məhəllədaxili yollarda təmir işləri nəzərdə tutulur. Bununla yanaşı, vətəndaşların yol kənarı ilə rahat və təhlükəsiz hərəkətini təmin etmək məqsədi ilə uzunluğu 13 min 90 m. olan mövcud piyada səkilərinə bordürlər düzülür, 2 min metr səkinin bordürləri isə bərpa edilir. Əlavə olaraq, 27 min 600 kv. m. səkiyə isə asfalt vurulması nəzərdə tutulur.
Qurumdan bildirilib ki, sözügedən işlər "Açıq Kommunal İnfrastruktur Proqramı II" layihəsinin yekunlaşdığı bütün ərazilərdə mərhələli şəkildə həyata keçiriləcək.
