Gülüstan qəsəbəsində minik maşını qəzaya düşüb.
Gencexeber.az məlumat verir ki, hadisə şəhərin Nəriman Nərimanov prospektində, “Münasib” şadlıq sarayının yanında qeydə alınıb. Saat 12:00 radələrində “Lada Kalina” markalı minik maşınının sürücüsü idarəetməni itirərək öncə çoxzolaqlı ikitərəfli yolun arakəsməsinə, sonra isə ərazinin işıqlandırılması üçün nəzərdə tutulan işıq dirəyinə çırpılıb.
Nəticədə avtomobilə ciddi ziyan dəyib. Yol-nəqliyyat hadisəsinin hansı səbəbdən baş verməsi və qəza zamanı xəsarət alanların olub-olmaması haqda hələlik məlumat yoxdur.
