Bayan küçəsi palçığa qərq olur.
Gencexeber.az məlumat verir ki, buna səbəb Bayan küçəsində yerləşən yaşayış evlərini təmiz su ilə təmin edən borunun 3-cü döngə, ev 8-in qarşısından keçən hissəsində oktyabr ayında partlaması olub.
Sakinlərin iddiasına görə, mütəmadi olaraq aidiyyəti üzrə şikayət etmələrinə baxmayaraq, artıq 4 aydır ki, sözügedən kiçik, günümüzdə isə ciddi problemədək şişib insanların yaşayışına olduqca mənfi təsir bağışlayan məsələ həll edilmir.
“Su borusu payızda partladı və o vaxtdan təmiz su fasiləsiz axır. Nəhəng gölməçələr yaranıb, yolumuz isə palçığa qərq olub” - sakin bildirib.
Bu vəziyyətdən təngə gələn vətəndaşlar borunun təmir olunmasını tələb edirlər.
