“Siqnal” İdarəsi tərəfindən texniki nizamlama vasitələrinə baxış keçirilir.
Bu barədə Gencexeber.az-a Daxili İşlər Nazirliyindən (DİN) məlumat daxil olub.
Bildirilib ki, DİN-in Baş Dövlət Yol Polisi İdarəsinin “Siqnal” İLİİ tərəfindən regionlarda yol hərəkətinin təşkilində tətbiq olunan texniki nizamlama vasitələrinin nəzarətdə saxlanılması, istismar prosesində meydana gələn problemlərin vaxtında aradan qaldırılması üçün zəruri tədbirlər görülür.
“İdarənin regional qurumları tərəfindən bu dəfə Gəncə, İmişli, Kürdəmir, Mingəçevir, Tərtər, Zaqatala, Şəki, Lənkəran, Ağcabədi, Qəbələ, Cəlilabad, Şirvan və Sabirabadda ümumilikdə 43 işıqfor obyektlərinə texniki qulluq göstərilib, idarəedici qurğularda baş verən nasazlıqlar aradan qaldırılıb”, – məlumatda qeyd edilib.
Təhsil müəssisələrinə yaxın küçə və prospektlərdə quraşdırılmış işıqfor obyektlərinin iş rejimi xüsusi nəzarətdə saxlanılıb, qurğulara texniki qulluq göstərilib, sıradan çıxan hissələr yenisi ilə əvəz olunub.
