Gəncə Şəhər İcra Hakimiyyətinin başçısı Niyazi Bayramovun tapşırığına əsasən, Mənzil Kommunal Təsərrüfatı İstehsalat Birliyinin Təmizlik şöbəsi tərəfindən Bakı-Qazax magistral avtomobil yolunun Gəncə şəhərindən keçən hissəsində genişmiqyaslı iməcilik aksiyası keçirilib.
Gencexeber.az bildirir ki, bu barədə icra hakimiyyəti məlumat yayıb.
Məlumata əsasən, icra başçısı da iməcilik aksiyasının keçirildiyi əraziyə gəlib, burada görülən işlərlə yerində tanış olub. MKTİB işçiləri tərəfindən ərazi məişət tullantılarından təmizlənib, yaşıllıq zolaqları suvarılıb, ağaclara aqrotexniki qulluq göstərilib.
İməcilik aksiyası yekunlaşdıqdan sonra Niyazi Bayramov MKTİB-nin
Təmizlik şöbəsinin əməkdaşları ilə görüşüb, onların qayğıları ilə maraqlanıb. Həmçinin şəhər rəhbəri burada yaşayan sakinlərlə söhbət edib, onların müraciətlərini dinləyib. Şəhər rəhbəri dilə gətirilən məsələlərin qanunamüvafiq formada həlli istiqamətində aidiyyəti üzrə tapşırıqlar verib.
Qeyd edilib ki, keçirilən iməcilik aksiyaları şəhərin müxtəlif ərazilərində mütəmadi olaraq davam etdiriləcək.
[caption id="attachment_70420" align="alignnone" width="696"]
[/caption]
[caption id="attachment_70419" align="alignnone" width="696"]
[/caption]
[caption id="attachment_70421" align="alignnone" width="696"]
[/caption]
