Gəncə sakinləri işıq təchizatında baş verən kəsintilərlə bağlı şikayət edirlər.
Gencexeber.az məlumat verir ki, sözügedən hal Şah İsmayıl Xətai prospekti, həmçinin Tağı Arani, Məmmədrza Şeyxzamanov, Dədə Qorqud və Kimyaçılar küçələri olmaqla şəhərin "Pasyolka" adlanan ərazisində qeydə alınıb. Sakinlərin sözlərinə görə, işıq təchizatının fasilələrlə verilişi bu gün təxminən saat 10:00-dan etibarən müşahidə olunur.
Bildirilib ki, bir neçə saatdan bir qısa müddətə veriləndəndən sonra elektrik enerjisinin təminatı dayanır.
Qeyd edək ki, qeyd olunan yerdə yerləşən Azərbaycan Texnologiya Universitetində bu gün keçirilməsi planlaşdırılan semestr imtahanları işıq təchizatının dayandırılması səbəbindən təxirə salınıb.
