Gəncə şəhərində Dövlət Məşğulluq Agentliyi Gəncə-Daşkəsən Regional Məşğulluq filialının təşkilatçılığı ilə işsiz və işaxtaran şəxslər üçün əmək yarmarkası təşkil olunacaq.
Gencexeber.az bildirir ki, bu barədə agentlik məlumat yayıb.
Məlumata əsasən, əmək yarmarkasında 30-a yaxın müəssisə tərəfindən 200-dən artıq vakansiya təqdim olunacaq. Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri isə arzuolunandır.
Qeyd olunub ki, 29 noyabrda Gəncə şəhəri, Azərbaycan bayrağı küçəsi 78 (Gəncə Dövlət Dram Teatrı) ünvanında keçiriləcək əmək yarmarkası saat 11:00-dan 13:00-dək davam edəcək.
