Qarlı-şaxtalı hava şəraiti ilə əlaqədar Gəncə şəhər MKTİB gücləndirilmiş iş rejimində çalışır.
Gencexeber.az-a Gəncə Şəhər İcra Hakimiyyətindən verilən məlumata əsasən, ötən gün axşam saatlarından etibarən Gəncəyə yağan qar nəticəsində şəhərin mərkəzi küçələri buz bağlayıb. Bununla əlaqədar, Gəncə şəhər Mənzil Kommunal Təsərrüfatı İstehsalat Birliyinin (MKTİB) canlı qüvvə və texnikaları gücləndirilmiş iş rejimində çalışırlar. Gəncənin mərkəzi küçə və prospektlərində yolların qardan təmizlənməsi işləri həyata keçirilir.
Yollara qurumun anbarlarında tədarük olunan qum və duz səpilir.
Hava şəraitinin gecə saatlarına doğru şaxtalı olmasının və yolların buz bağlamasının nəzərə alaraq MKTİB-in müxtəlif təyinatlı yeni texnikaları ilə növbəlilik əsasında yollara qum-duz qarışığının səpilməsi davam etdiriləcək.
