Samuxda Azərbaycan Gənclər Fondunun elan etdiyi “İdeyanı reallaşdır 2023” fərdi qrant müsabiqəsinin qalibi olmuş Lalə Hacıyevanın “Gənc Xanımların Sosial Biznes Modellərinin Yaradılmasına Dəstək!” layihəsi keçirilib.
Gencexeber.az-a verilən məlumata əsasən, Azərbaycan Gənclər Fondunun maliyyə dəstəyi, Gəncə-Daşkəsən Regional Təhsil İdarəsinin Samux rayon təhsil sektorunun və Gənclərin İnkişaf və Karyera Mərkəzinin Gəncə-Daşkəsən Regional nümayəndəliyinin təşkilati dəstəyi ilə keçirilən “Gənc Xanımların Sosial Biznes Modellərinin Yaradılmasına Dəstək!” layihəsi Samux rayonunda yaşayan gənclərin iştirakı ilə beş gün ərzində Heydər Əliyev Mərkəzində həyata keçirilib.
Layihədə 5 gün ərzində biznes planın yazılması, sosial media marketinqi, manikür-pedikür və toxuculuq üzrə nəzəri və praktiki təlimlər keçirilib. Layihə çərçivəsində keçirilmiş təlimlərdə iştirak etmiş hər bir gənc isə sertifikat ilə təltif olunub.
