Gəncəli opera müğənnisi IV Azərbaycan Vokalçılar festivalında çıxış edib.
Gencexeber.az məlumat verir ki, Azərbaycan Respublikasının Mədəniyyət Nazirliyinin dəstəyi ilə, Azərbaycan Dövlət Akademik Opera və Balet Teatrı və Bülbül Vokal Məktəbinin təşkilatçılığı ilə Azərbaycanda Milli Konservatoriyasında "Bülbül İrsi" adlı konsert proqramı baş tutub.
IV Azərbaycan Vokalçılar festivalında Azərbaycan Milli Konservatoriyasının üçüncü kurs tələbəsi, Respublika və Beynəlxalq müsabiqələr laureatı Altun Süleymanov "Griseldo" operasından Ernestonun ariyasını ifa edib.
Qeyd edək ki, 22 yaşlı A.Süleymanov Gəncədə dünyaya göz açıb. O, hələ uşaq ikən Nizami yurdunda baş tutan müxtəlif tədbirdə iştirak edib və şəhər rəhbərliyi tərəfindən bir çox mükafatlara layiq görülüb.
O, Gəncə Dövlət Universitetinin nəzdində Regional kolleci “Vokal Sənəti” ixtisası üzrə fərqlənmə diplomu ilə bitirib. Altun hazırda Azərbaycan Milli Konservatoriyasında Opera və Balet Teatrının solisti, Prezident mükafatçısı Taleh Yahyayevin sinfində təhsil alır.
