Gəncədə konsert proqramı baş tutub. Bu haqda 20 may tarixində İcra Hakimiyyətinə istinadən məlumat veririk.
Tədbir "Gəncləşən muğam” layihəsi çərçivəsində keçirilib. Burada Xalq artisti professor Mənsum İbrahimov, Əməkdar artist Təyyar Bayramov, gənc xanəndələr Elsevər Muradov, Ülviyyə Sədaqət, Pərvaz İbrahimli, Fatimə Hüseynova, Elgiz Əliyev, Ayşən Mehdiyeva, Valid Abdullayev, Sədəf Budaqova, Xəyal Hüseynov, Xəyalə Qafarzadə, Günay İmamverdiyeva, Nurlan Namazov, Mirəli Sarızadə, Ülkər Abdullayevanın ifalarında "Mənim Azərbaycanım", "Şuşanın dağları", "Küçələrə su səpmişəm", "Qal sənə qurban", "Axtararsınız", "Sarı Bülbül", "Xudayar təsnifi", "Qarabağ", "Yaşa, mənim xalqım" mahnıları səsləndirilib.
Konsert Fikrət Əmirov adına Gəncə Dövlət Filarmoniyasında təşkil olunub. Tədbirdə dövlət və hökumət rəsmiləri, mədəniyyət və incəsənət xadimləri, şəhər ictimaiyyəti iştirak ediblər.
