Gəncədə gənclər üçün ödənişsiz peşəkar inkişaf kursuna qeydiyyat başlayıb. Bu haqda Gencexeber.az-a 7 yanvar tarixində məlumat daxil olub.
Kurslar PROGRO Platforması tərəfindən təşkil olunur. Proqramın müddəti 2 aydır. Burada gənclər fiziki təlimlər, məşğələlər, praktik tapşırıqlar, aktiv iş axtarışı, tədbirlərin təşkili, müxtəlif mövzularda təqdimatlar, şirkət nümayəndələri ilə görüşlər kimi bir çox fəaliyyətlərdə iştirak edəcək və iş mühitinə bir peşəkar kimi hazırlaşacaqlar.
Namizədlərdən 30 yaşı tamam olmamış, orta və ya ali ixtisas təhsilli, iş axtaran, motivasiyalı və öz üzərində işləməyə meyilli olanlar dəyərləndiriləcək.
Qatılmaq istəyənlər qeyd olunan link vasitəsilə qeydiyyatdan keçməlidir. Son müraciət tarixi 15 yanvardır.
Qeyd edək ki, kursda iştirak ödənişsizdir.
