Gəncədə altı aylıq layihə başa çatıb. Bu haqda 29 dekabr tarixində Qafqazinfo-ya istinadən məlumat veririk.
İyun ayında “McDonald’s Azərbaycan”ın CARE GROUP şirkəti ilə birgə başlatdığı “Gənc yazarlar” layihəsinin Gəncədə bağlanış mərasimi keçirilib. Proqramın iştirakçıları “McDonald's” restoranına dəvət olunub, onlar üçün əyləncəli proqram və ziyafət təşkil edilib. Sonra layihə çərçivəsində uşaqların yazdığı nağılların yer aldığı kitabın təqdimatı baş tutub.
Xüsusi qayğıya ehtiyacı olan 50 uşaq üçün “Art-terapiya” və “Koqnitiv davranış terapiyası” üsulları üzrə psixologiya təlimləri keçirilib. Layihə 6 ay ərzində bir neçə mərhələdən ibarət olub. Uşaqlara yaradıcılıq üçün zəruri hər şeyin daxil olduğu “gənc yazar” dəsti paylanılıb, onlara ustad dərsləri keçirilib.Burada hekayələr yaratmağın və süjet qurmağın yolları aşılanıb.
