Gəncədə gənc rəssamın fərdi sərgisi açılıb. Bu haqda 22 may tarixində Azərtac-a istinadən xəbər veririk.
"Urbanda görüşərik" layihəsi çərçivəsində gənc rəssam Jalə Namazovanın fərdi sərgisi keçirilib. Sərgi Fikrət Əmirov adına Gəncə Dövlət Filarmoniyasında baş tutub. Burada gənc rəssamın kətan üzərində yağlı boya ilə işlənmiş, postimpressionizm (fəlsəfi və incəsənət) cərəyanına aid 22 əsəri nümayiş etdirilib.
Jalə Namazovanın "Xarıbülbül", "Qədim Gəncə qapıları", "Karvan", "Narlar", "Heyvalar", "Dəniz mənzərəsi", "Balerin", "Şamlar", "Güllər", "Dəyirman", "İşıq", "Gül və qadın", "Xeyir və Şər" əsərləri sərgidə təqdim edilib. İşlər sərgi iştirakçıları tərəfindən maraqla qarşılanıb.
