Gəncənin bəzi sakinləri 5A marşrutunun fəaliyyətindən narazıdırlar. Bu haqda Gencexeber.az-ın izləyicisi 27 noyabr tarixində məlumat verib.
Sözügedən hal Dos-84 və Dos-102 ərazilərində yaşan sakinləri daha çox əhatə edir. Əldə etdiyimiz məlumata əsasən, marşrut xəttində cəmi üç aztutumlu avtobus hərəkət edir.
"Əksər hallarda 1 maşın reysə çıxır. 30-40 dəqiqə avtobus gözləməkdən bezmişik" - deyə sakin bildirib.
Daha öncə, Gencexeber.az Cavadxan (Avtozavod) qəsəbəsində mövcud ictimai nəqliyyat çətinliyi işıqlandırmışdır. Bir müddət sonra xəttinin hərəkət cədvəlinə Göy Türk küçəsi əlavə olunmuşdur.
