Gəncədə universitetlərin birində toplantı olub. Bu haqda 26 iyun tarixində GDU-ya istinadən xəbər veririk.
Gəncə Dövlət Universitetində Elmi Şuranın iclası baş tutub. Burada rektor Yusif Yusibov iclası giriş sözü ilə açaraq Şura üzvlərini gündəlikdə olan məsələlərlə tanış edib. 2023/2024-cü tədris ilinin yaz imtahan sessiyasının gedişi haqqında universitetin Tədris məsələləri üzrə prorektoru Şahin Xurşudovun çıxışı dinlənilib. Qeyd edilib ki, 3 iyun tarixindən etibarən yazılı formada keçirilən imtahanlar yekunlaşıb və iyun ayının 20-dən kompüterdə test üsulunda imtahanların keçirilməsinə başlanılıb.
Gündəlikdə duran bütün məsələlər müzakirə olunaraq Elmi Şura üzvləri tərəfindən qənaətbəxş hesab edilib. İclasda qarşıda duran vəzifələr, təhsilin keyfiyyətinin müasir dövrün tələblərinə uyğunlaşdırılması, tədrisin keyfiyyətinin artırılması və görüləcək işlər müzakirə edilib.
