Gəncədə universitetlərin birində “COP29 – Ekoloji dayanıqlığa və Yaşıl artıma diqqət” mövzusunda dəyirmi masa baş tutub. Bu haqda 14 may tarixində GDU-ya istinadən xəbər veririk.
Gəncə Dövlət Universitetində keçirilən tədbirdə bildirilib ki, COP29-un Azərbaycanda keçirilməsi ilə bağlı qərar ölkəmizə növbəti dəfə böyük etimad və inamın göstəricisidir.
Dəyirmi masada ekoloji tarazlığın və ətraf mühitin qorunması, alternativ enerji mənbələrindən səmərəli istifadə, iqlim dəyişmələrinin qarşısının alınması istiqamətində görülən işlərin əhəmiyyətindən danışılıb. Vurğulanıb ki, COP 29-dan irəli gələn maliyyə və investisiya imkanları Azərbaycanın iqtisadi istəkləri üçün çox vacibdir. COP29 təkcə ətraf mühit layihələri üçün deyil, həm də işğaldan azad edilmiş ərazilərə qayıdışla bağlı yaşıl təşəbbüslər üçün kanal rolunu oynayır.
